“ANO’NG mayroon, ‘Lo? May dadaluhan ba kayong party ni Janicah? Wala kang nauulit sa akin,” halos magsalubong ang mga kilay ni Ezekiel nang puntahan niya ang kaniyang abuelo na namamahinga sa silid nito nang hapon na iyon.
Bumangon mula sa pagkakahiga ang kaniyang Lolo Alonzo at bumaba sa kama nito para harapin siya.
“Bakit mo naman naitanong ‘yan?” anito nang maupo sa couch na malapit lang sa may kama nito.
“Pinamili mo siya ng mga damit at sapatos. You pamper her today. What’s next, then?” Iyong puso niya ay para bang sasabog ang pakiramdam sa pagpipigil ng emosyon. Mangyayari na ba ang dahilan ng pag-uwi niya sa bansa?
“I think, she deserve it, apo. Katiting pa lang ‘yon kumpara sa pabor na ibinibigay niya sa akin.”
Nangunot ang noo niya. “What do you mean, ‘Lo?” Anong pabor ang ib
