HALOS hindi dalawin ng antok si Ezekiel nang gabing iyon. Hanggang ng mga sandaling iyon ay hindi pa umuuwi sa kanilang bahay si Janicah. Ni hindi rin ito nag-te-text sa kaniya. Sinusubukan niyang tawagan ang cellphone number nito ngunit cannot be reach.
Marahas siyang bumuntong-hininga at hinayon ang kaniyang kotse sa may garahe.
Pumunta na siya kanina sa may flower farm dahil pag-uwi niya ay wala pa rin si Janicah. Pero ang sabi ng guard doon ay nakaalis na ang kaniyang asawa sakay ng tricycle. May dala rin daw na mga bulaklak.
Pero bakit hanggang ng mga sandaling iyon ay wala pa ang asawa niya?
Sa sobrang pag-iisip dito ay ni hindi niya magalaw ang kaniyang pagkain.
Pagkasakay sa kaniyang kotse at agad niya iyong pinasibad. Isang lugar lang naman ang pakay niyang puntahan.
Nang ma
