“BAKIT kailangan mo pa akong takutin? Ikaw na nga itong binibigyan ng pabor,” apila ni Janicah sa sinabi ni Ezekiel.
“Gusto mong ma-annul ang kasal natin. At sa ating dalawa, ikaw ang unang nag-suggest niyan. At kung nasaan man si lolo, alam kong dinig ka niya.”
Kinukonsensiya ba siya nito? “Ezekiel, doon din naman ang punta natin,” aniya na nag-iwas na ng tingin dahil hindi niya matagalan ang mga titig nitong iyon sa kaniya.
“Kung gusto mong ma-annul ang kasal natin, then, ikaw ang gumastos. Tutal, ikaw naman ang may gusto noon.”
“Hindi mo rin ba gusto ‘yon?” naiimposiblehan nang balingan niya itong muli.
“Tingin mo?” sa halip ay balik tanong nito.
“Tingin ko gusto mo ‘yon. Kaya nga nagsama ka pa ng karelasyon mo sa burol ng lolo mo, ‘di ba? Para ipakita na magagawa mo pa rin ang ka
