PANIBAGONG araw na naman para kay Janicah. Huminga muna siya nang malalim bago pumasok sa loob ng green house. Kauuwi lang niya kahapon, pero heto at balik na ulit siya sa trabaho. Hindi rin naman kasi siya mapapakali kung nasa bahay lang siya. Mas gusto niya iyong busy siya kaysa nakatambay lang sa bahay.
“Kumusta kayo? Ilang araw rin tayong hindi nagpangita,” masaya pa niyang bungad sa mga halaman na nararaanan. Bilin sa kaniya noon nang kaniyang yumaong lola. Maging ang mga halaman daw ay dapat kinakausap din. Maganda raw kasi iyon sa mga halaman.
Wala naman siyang kasama roon kaya walang mag-iisip na nababaliw na siya.
Gamit ang dulos ay nagtanggal din siya ng mga ligaw na d**o. Habang ginagawa niya iyon ay nililipad na naman kung saan ang kaniyang isipan. Inihinto niya sandali ang
