ALAS OTSO na nang umaga nagising si Janicah. Halos mapabalikwas pa siya ng bangon dahil sa nakatakdang oras na dapat ay nasa study room na siya.
Napalunok siya nang makita ang oras sa cellphone niya. May oras pa siya para maligo. Saka lang niya napansin ang tray na may lamang pagkain sa may mesita sa tabi ng couch. Tiyak na iyon ang almusal niya.
Umakma siyang bababa sa kama nang mapasinghap. Nangirot ang pagitan ng mga hita niya. Kagat ang ibabang-labi na marahan siyang tumayo para sumaglit sa banyo. Nagbawas siya ng panubigan na halos ikahiyaw niya sa hapdi. Ganito rin siguro ang naramdaman ng mga first time sa s*x. May struggle rin lalo na sa pagbabanyo.
Pakiramdam tuloy niya ay halos maubos ang lakas niya nang makalabas sa banyo. Nag-almusal na siya para lamnan ang kaniyang tiyan.
