MATAMANG pinagmasdan ni Janicah ang malinaw na tubig sa dagat. High tide ng mga sandaling iyon kaya naman malapit ang tubig sa pampang. Nanghahalina talagang liguan ang tubig sa dagat. Ang problema, wala naman siyang dalang pamalit.
Napabuntong-hininga siya.
“Wanna swim?” ani Ezekiel na tumayo sa may tabi niya.
Umiling si Janicah sa tanong na iyon ni Ezekiel. “Wala naman akong dalang pamalit.”
“So? Problema ba ‘yon?”
Pinaningkitan niya ng mga mata si Ezekiel. “Anong gusto mong gawin ko? Maghubad na lang, tutal naman, tayo lang ang narito?”
“Hey!” natatawa nitong itinaas pa ang dalawang kamay. “Wala akong sinabing ganiyan, Janicah.”
Inismiran niya ito bago tinalikuran at hinayon ang isang puno na malapit lang sa dagat. Nakalabas sa buhanginan ang ugat niyon. Malilong din dahil sa mga
