YARA
Masigla na bumangon ako, pakiramdam ko kasi ay mas inspired ako ngayon at masaya ako. Hindi ko alam kung saan ang pinanggalingan ng ganitong pakiramdam pero sa tingin ko ay dahil 'yon sa sulat na natanggap ko. Abot kamay ko na kasi ang misyon na matagal na pinaghirapan ko.
Misyon na buong buhay ang binuo ko para makamit at higit sa lahat ay matupad. Hindi biro ang pinagdaanan ko dahil tanging ang misyon na ito ang nakatatak sa isipan ko sa buong buhay ko kaya naging masigasig ako sa pag-aaral ko para mapatunayan ko sa buong hukbo ang kakayahan ko.
Hindi lang sipag, tiyaga at talino ang puhunan ko dito. Ang determinasyon at pagmamahal sa samahan ang naging sandata ko para matupad ang lahat ng ito.
Gusto ko na matupad namin ang aming pangarap para sa bayan. Inaasam na tanging kami
