YARA
Matapos ang mahaba-habang byahe ay nakarating ako sa condo unit ko dito sa Mandaluyong. Mas gusto ko sa lugar na ito dahil nasa gitna ng lungsod. Madali ang access sa mga lugar na kailangan kong puntahan. Malapit din ito sa trabaho ko at mabilis akong nakakapunta sa bawat sulok ng Manila kapag kailangan ko.
Tinawagan ko si pinuno para ipaalam dito ang naging resulta ng lakad ko ngayong araw. Isang ring pa lang at agad itong sumagot.
"Hello Yara," sagot nito. Alam na agad nito na ako ang tumawag dahil tanging siya lang ang nakakaalam ng number na ibinigay nito sa akin ng mga panahon na bago pa lang ako dito sa lungsod.
"Pinuno, natanggap na po ako sa Philippine Army General Hospital. Magsisimula na ako sa darating na first week, next month," agad na balita ko dito.
"Magaling Yara
