YARA
Dahil sa nangyari kanina ay umuwi akong walang dala na grocery sa bahay ko. Malayo na ang narating ko pero hindi pa rin nawala ang malakas na kabog ng dibdib ko. Mukhang hindi maganda na madikit ako sa lalaking iyon. Ang lakas ng presensya niya at lalong hindi healthy na mapalapit ako sa kan'ya.
"Hay buti na lang talaga nakalayo na ako," bulong ko sa sarili ko. Magpahanggang ngayon kasi ay ramdam ko pa rin ang parang electric current na dumadaloy sa bawat himaymay ng katawan ko. Hindi nawala sa akin ang ganitong pakiramdam kahit na malayo na ako sa kan'ya.
Para bang hindi mawala sa isipan ko ang pakiramdam ng yakapin ako nito, maging ang pabango na gamit nito ay tila nakatatak na sa memorya ko.
Napailing ako, hindi ko alam kung ano ba ang kamalasan ko kanina at mukhang wala ako s
