YARA
Nakatanggap ako ng tawag mula sa ospital na pinapasukan ko matapos ang tawag ni pinuno kagabi. Gusto ko sana na magpahinga dahil tila biglang napagod ako at nanghina sa mga nangyari maghapon pero kailangan kong pumasok dahil sa nagkaroon ng emergency operation ang isa sa mga pasyente na hawak ko.
Wala akong nagawa at hindi rin ako pwedeng tumanggi at mag-dahilan kaya kahit na iba ang pakiramdam ko ay pumasok ako. Bilang doctor, mahalaga na maisalba ko ang buhay ng pasyente ko bago ko unahin ang sariling emosyon ko.
May responsibilidad ako kaya, hinarap ko ito at sandali na nakalimutan ko ang lahat ng dahilan kung bakit ganito ang nararamdaman ko.
Naging abala kasi ako sa operasyon at dito nabuhos ang lahat ng atensyon ko kaya walang lugar para pumasok sa isip ko ang nangyari sa a
