Hindi nga ako nagkamali na hingan ng tulong si Ella. Dahil inasikaso niya lahat pati ng abogado niya ang mga kakailanganin para makalaya ako. Nabayaran na rin niya ang utang ko kay Mang Cario. Malaki ang pasasalamat ko sa kanya dahil hindi niya ako pinabayaan. Pati na rin ni John matiyaga silang nagantay sa presinto kahit inabot na kami ng hapon. Hindi makapaniwala si Mang Cario na tuluyan na akong makakalaya sa kabila ng isinampa niya sa akin na kaso. Dahil magaling ang abogadong kinuha ni Ella. Matalim ang tingin ni Mang Cario. Nang tangalin na ng pulis ang posas ko.
“Magkikita pa tayo muli Camilla.” Banta niya sa akin.
Mabilis akong lumapit sa kanya at sinampal ko siya. Nanlaki ang mga mata nila dahil sa ginawa ko.
“Yan ang ganti ko sa pagtatangka mong halayin at sa pambabastos mo
