Camilla POV
Maaga akong nagising nasanay kasi ang katawan kong bumangon ng alas-kwatro ng umaga. Tumingin ako sa maliit na ref ni Ella. Matapos naming kumain kagabi ay umalis na rin sila ni John. Marami daw kasi siyang ihahanda ngayong araw para sa akin. Kaya naiwan akong mag-isa sa apartment niya. Pagbukas ko ng ref ay tumambad sa akin ang maraming pagkain. May karne ng manok, baboy at itlog, may palaman din at maraming tubig saka gulay at prutas.
Kaagad akong kumuha ng dalawang itlog. Mabuti na lamang at hindi nakalimutan ni Ella na turuan akong gumamit ng kalan. Pagkatapos kong batihin ang itlog ay nilagyan ko ng kaunting pampalasa. Kinuha ko ang maliit na kawali at inilagay sa umaapoy na kalan pagkatapos ay nilagyan ko ng mantika at nang mag-init ito ay inilagay ko na ang itlog. Ku
