Ilang taon ang nakalipas ay nabalot na ng maitim na mahika ang buong Serenadia. Ang dating nagliliwanag na kastilyo sa labas ay hinahagkan na ito ng mga kadiliman na may iba't ibang klase ng maiitim na lumot dagat na nakapulupot sa mga pader habang ang loob ng kastilyo naman ay punong-puno na ng sari-saring mukha ng nakakatakot na mga nilalang.
Kung dati rati ay pula ang kulay ng alpombra o carpet na nakalatag sa gitna ng kastilyo mula sa tarangkahan patungong harapan ng upuan ng hari at reyna, kulay itim na ito. Idagdag pa ang mga ahas na nakapulupot dito. Ang trono naman ay selyadong-selyado na ni Nympha. Siya na ngayon ang itinuturing na bagong reyna ng Serenadia.
Halakhak ng tagumpay ang maririnig sa buong kaharian. Halakhak na may bahid ng pananakot at tawa na may dulot ng maraming
