“Mabuti at nagkakilala kayo ni Sir Agaton, Onex? At mukhang may nagawa kang mabuti sa kanya para gantihan ka ng ganito? Siya pala ang nagbigay sayo ng magandang trabaho?” usisa ko kay Onex dahil naabutan ko si Sir Agaton sa kanilang bahay at may mga dala pang groceries para sa kanyang nanay at kapatid.
“Ha? Oo, Makoy. Salamat nga at nakilala ko si Sir Agaton. Gumanda ang trabaho ko at talagang nakakaipon pa ako kahit paunti-unti. Hindi na rin kailangan ni nanay na makipaglabada o magtinda ng kung anu-ano sa kalsada. Napakabait nila at talagang hulog ng langit para sa akin,” saad ni Onex na talaga naman nag-iba na. Ilang buwan din kaming hindi nagkita at nasabi nga niya sa akin na may bago siyang trabaho at maganda nga raw ang sahod niya.
Inisip ko nga na baka may kalokohan na naman na gi
