Diana
"Anak, okay ka lang? Hindi ka pa ba bababa?"
Bigla akong nabalik sa realidad at napatitig kay Dad na ngayon ay nasa labas na pala ng pinto ng sasakyan. Wala na rin sa aking tabi si mommy Frances.
Ilang ulit akong napakurap at kaagad na luminga sa labas ng limousine. Kaagad hinanap ng paningin ko ang kinaroroonan ni Alexandra mula sa napakaraming taong nagtitipon sa labas at tila nag-aabang sa akin.
Ngunit hindi ko na siya makita pa.
Tandang-tanda ko pa ang suot niya. Isang black dress at nakasaklob ng itim na bandana sa ulo na para bang pupunta sa isang patay. Hindi ako maaaring magkamali, siya 'yon. Hindi ako nananaginip lang.
"Diana."
Muli akong napalingon kay Dad na ngayon ay salubong na ang mga kilay habang nakatitig sa akin.
"Anak, anong problema? Hindi ka pa ba bababa?
