Diana
"Hmm," mahina akong napaungol nang halos ilang minuto nang ayaw bitawan ni Dexter ang mga labi ko.
Patuloy pa rin siya sa paghalik sa akin habang sumasayaw kami sa gitna ng bulwagan at napapalibutan kami ng napakarami naming bisita. Nasa harapan din namin ang tatlong cameramen na patuloy sa pagkuha ng mga larawan at video namin.
Isang malakas na pagsipol ang bigla na lamang pumukaw sa amin.
"Wala pa tayo sa honeymoon, oy! Tantanan niyo muna 'yan, p'wede ba?!" dinig kong sigaw ng isa sa mga kapatid ni Dexter na si Darren.
"Sakit niyo sa mata!" dinig ko ring sigaw ni Drake.
Doon pa lang binitawan ni Dexter ang mga labi ko at nakangiting bumaling sa mga tao. Namula ang pisngi ko at nahihiya akong salubungin ang mga titig nila.
Habol ko rin ang aking paghinga dahil halos lunuri
