Diana
Tuluyan nang sumapit ang kabuwanan ko. Mas lumobo pa ngayon ang tiyan ko at kay bigat-bigat na niya talaga. Nahihirapan na akong maglalakad.
"Emily, 'di pa ba lumalabas ng office ang Sir niyo?" tanong ko kay Emily na kalalabas lang ng banyo bitbit ang trash can. Ako naman ay nasa kama na at naghahanda na para sa pagtulog.
"Hindi pa po, Señorita."
"Dinalhan niyo ba siya ng pagkain? Kumain na ba siya?" Tumingin ako sa wall clock at pasado nine na ng gabi.
"Opo, Señorita. Dinalhan na po namin siya pero hindi po kami sigurado kung kinain na niya. Ayaw po niyang magpa-istorbo, eh."
"Gano'n ba?"
"Opo. May kailangan pa po ba kayo, Señorita?"
"Wala na. Salamat."
"Sige po. Lalabas na po ako." Kaagad siyang tumango sa harapan ko.
"Sige."
Tuluyan na siyang lumabas ng pinto bitbit a
