Diana
KINABUKASAN ay nagising ako na parang binibiyak ang gitnang bahagi ko, simula sa likod ko hanggang sa balakang ko.
Napahawak ako sa tiyan ko na gano'n na lamang ang lakas ng paghilab.
"D-Dexter?"
Lumingon ako sa tabi ko ngunit hindi ko na siya nadatnan pa. Wala din siya sa buong silid ko at hindi ko rin mahagilap sa buong paligid sila Helen at Emily.
Muling humilab ang tiyan ko at ramdam kong mas tumitindi pa ito ngayon. God, manganganak na yata ako.
"Dexter?" mas nilakasan ko pa ang pagtawag sa kanya kahit para akong mauubusan ng lakas sa kakaibang sakit na nararamdaman ko ngayon sa bahagi ng balakang ko at ng tiyan ko.
Pinilit kong bumangon at bumaba ng kama.
"Dexter? Helen? Emily!"
Iika-ika akong naglakad patungo sa pinto habang hawak ko ang balakang ko.
"B-Baby,
