Diana
Susundan ko na sana siya palabas ng kuwadra nang mapatingin ako sa isa pang pares ng boots sa gilid na sa tingin ko ay mas maliit sa isinuot niya kanina.
Kaagad kong hinubad ang suot kong mga sapatos at sinubukan itong isukat sa mga paa ko. Napataas ang isa kong kilay dahil sa tingin ko ay suwak ang mga ito sa akin.
Kaagad ko na itong isinuot at hindi nga ako nagkamali. Saktong-sakto lang sa paa ko. Hindi kaya para sa akin talaga ito?
Ipinagwalang-bahala ko na lang at muli ko pang isinuot ang isa pang pares. Umabot ang haba ng mga ito sa ibaba mismo ng tuhod ko. Isinara ko ang mga zipper nito sa likuran at pinagdikit ang lock.
Sinimulan ko na itong ilakad. Kumportable sa paa dahil smooth at mababa lang ang heels. Nasa half inch lang siguro ito. May nakita rin akong nakasabit na
