Diana
Ngayon ko biglang naramdaman ang sakit ng buong katawan ko. Ang mga bali kong tadyang at balakang. Ang mga galos ko sa braso, tuhod at mga hita.
Muling bumalik ang espiritu ng alak sa katawan ko. Muling umikot ang paligid ko at para na naman akong masusuka.
Hindi ko napigilang isandal ang katawan ko sa malapad na dibdib na nasa likuran ko ngayon. Tumingala ako at ipinikit ang aking mga mata.
"Tsk," dinig kong anas ni Dexter ngunit hindi ko siya pinansin.
Ilang sandali lang ay naging marahan na ang paggalaw ng kabayong sinasakyan namin hanggang sa tuluyan na itong huminto sa pagtakbo. Hindi ko na rin marinig pa ang mga yabag ng mga kabayong kasama namin ngayon.
"Hey, Diana. Sit up straight."
Naidilat ko ng bahagya ang mga mata ko nang ilayo ako ni Dexter mula sa kanya. Ramdam k
