Diana
Nagising ako sa malakas na pag-irit ni Jr. sa kung saan.
Hinanap ko sila sa buong paligid ng silid sa naniningkit ko pang mga mata. Wala na sila tabi ko at natanaw ko sila sa balcony na ngayon ay nakabukas na ang pinto. Tinatamaan sila ng sinag ng araw sa umaga.
Pinanggigigilan ni Dexter ang leeg ng anak namin habang buhat niya ito nang patayo. Wala itong suot na damit at tanging diaper lang ang mayroon. Hawak niya ang likod nito sa bandang batok at nakasapo naman ang isa niyang kamay sa puwetan.
Muli na namang umirit ng malakas ang anak namin nang panggigilan na naman niya ang leeg nito. Tuwang-tuwa ang bata. Napapatitig siya sa daddy niya habang tumatawa.
Hindi ko rin mapigilan ang mga ngiti ko habang pinagmamasdan sila mula dito sa loob. Hinayaan ko na lamang sila dahil ant
