Diana
Nag-stay pa kami ng buong maghapon sa hotel para magpahinga at pagsapit ng gabi ay doon pa lang nagdesisyon si Dexter na umuwi na kami ng condo at doon na lang ulit namin ipagpatuloy ang pamamahinga.
Ngunit ikinahinto ko na hindi kami sa sarili naming unit ni Jr. dinala ni Dexter kundi sa unit na niya.
Nagulat din ako dahil naroroon na rin ang lahat ng mga gamit namin ni Jr. at maayos nang nakasalansan sa closet ng silid niya ang mga damit namin.
"Desmond will use that unit, soon. Sa kanya naman talaga 'yon," aniya habang naghuhubad siya ng polo niya.
"Talaga lang, ha." Kunwari'y hindi pa rin ako naniniwala pero sobrang saya ko dahil ang ibig sabihin lang niyon ay araw-araw at gabi-gabi na talaga namin siyang makakasama ni Jr. At siguradong gabi-gabi rin kaming magtatabi sa kam
