BLESSY
“KUMUSTA naman ang swimming lesson n’yo? May natutunan naman ba kayo sa mga itinuro sa inyo ng Kuya Dux n’yo?” usisa sa amin ni Daddy Aurelio habang kumakain na kami ng hapunan na inihanda ng mag-asawang caretaker nitong resort.
“Opo, Daddy. Ang galing-galing po kayang magturo ni Kuya,” masiglang sagot ni Heaven. “Kaunting-kaunti na lang po at matututo na rin akong mag-floating,” pagmamalaki pa niya na ikinangiti lang ni Kuya Dux.
“Mabuti naman kung gano’n, anak. Para kapag nag-beach tayo sa susunod, marunong ka nang lumangoy.” Nasisiyahan na inabot ni Daddy Aurelio ang buhok ni Heaven at bahagyang ginulo. “Hindi ka na matatakot lumusong sa tubig.”
“Oo nga po, Daddy. Excited na nga po akong mag-beach tayo, eh.”
“Akala ko ba malapit lang sa dagat ang bayan n’yo sa Cebu? Bakit hi
