BLESSY
NAKATINGIN lang ako kina Kuya Dux at Heaven habang naliligo sa swimming pool. Tinuturuan ni Kuya ang bunso naming kapatid dahil hindi marunong lumangoy. Tulad ko. Kaya nga gustuhin ko mang makisali sa kanila, hindi ko magawa. Nakakahiya kapag nalaman ni Kuya na hindi pa rin ako marunong lumangoy sa edad kong ito. Kaya nga hanggang dito lang sa pambatang pool ang kaya ko.
Nandito kami ngayon sa Batangas, sa isang private resort na pag-aari ng mga Reyes. Dinala kami dito ni Daddy Aurelio para mag-spend ng weekends. Isang linggo na lang kasi at magsisimula na ang pasukan. Magdo-dorm pa naman ako sa Maynila. Baka weekends na lang ang uwi. Pero ang sabi ni Daddy, depende pa raw iyon kung wala akong pasok ng Sabado. Ayaw ko nga sana na iwan si Heaven dahil baka hindi siya pumayag. At sa
