BLESSY
ARAW ng pag-alis ko papuntang Maynila. May pasok na kasi ako sa susunod na araw. Naghahalo ang excitement, kaba, at pag-aalala na nadarama ko sa mga sandaling ito. Excited ako dahil sa wakas ay matutupad na rin ang pangarap ko na makapag-college. At sa prestihiyosong unibersidad pa sa Maynila na kahit sa pangarap ay hindi ko inakala. Kinakabahan ako dahil ito ang unang beses na tutuntong ako sa malaking siyudad na iyon at makikikipaghalubilo pa sa mga estudyanteng sigurado akong pulos mayayaman. Hindi ko rin maiwasang mag-alala ngayon na magkakahiwalay kami ni Heaven. Ito kaya ang unang beses na malalayo kami sa isa’t isa.
“Basta magpakabait ka rito habang wala si Ate, ha?” mangiyak-ngiyak na bilin ko sa aking kapatid nang puntahan ko siya sa kaniyang silid. “Tawagan mo agad ako k
