BLESSY
NANLAKI ang aking mga mata nang magising ako kinabukasan at ang guwapong mukha ni Kuya Dux ang bumungad sa akin. Tulog na tulog. Lalo pang namilog ang aking mga mata nang malaman kong nakayakap sa baywang ko ang kamay niya. Inakala niya siguro na unan ako kaya ganito na lang siya kung makalingkis sa akin.
Napapitlag ako nang naramdaman ko ang bahagyang paggalaw ni Kuya Dux. Bumaba ang kaniyang mukha. Nagkaroon na naman tuloy ako ng pagkakataon na pagmasdan ang kaguwapuhan niya. Kahit nakapikit, hindi pa rin maikakaila ang kagandahan ng mga mata niya.
Kahit nabibigatan na ako sa braso niya na nakapatong sa tiyan ko, hindi ko pa rin ito inaalis. Ayaw ko kasing istorbohin ang tulog niya. Inisip ko na lang na chance ko na ito para matitigan siya nang matagal. Na hindi ko magawa-gawa
