BLESSY
KATATAPOS lang naming mag-almusal. Balak ko sana na sundan sa lanai si Dux. Nauna na kasi siyang tumayo kanina dahil tumawag si Melinda. May importanteng sasabihin daw kasi ito.
“Hija, puwede ba tayong mag-usap mamaya kapag tapos nang mag-usap sina Dux at Melinda?” tanong sa akin ni Daddy nang makasalubong ko siya rito sa sala. He looks bothered. At alam ko na kung bakit.
Kanina ko pa kasi napapansin na parang gusto niya kaming kausapin ni Dux pero obvious na inilalayo siya sa amin ni Tita Virginia. Siguro sasabihin niya sa akin ang tungkol kay Cayah.
“Sure po, Dad—”
“Amelia, ipasok mo na muna sa kuwarto si Mayor,” agad na utos ni Tita Virginia sa private nurse ni Daddy Aurelio kaya hindi ko na natuloy ang sasabihin ko. “Oras na ng pag-inom niya ng gamot at kailangan na rin ni
