BLESSY
HINDI ko maintindihan ang nararamdaman ko sa mga oras na ito matapos sabihin sa ‘kin ng mga kasambahay na nasa gym pa nga raw si Dux pero posibleng may kasamang ibang babae. Ayon pa kay Tiya Cora, si Cayah iyon. At tama nga ang hinala ko na ex-girlfriend ni Dux ang babaeng iyon.
Alam daw ni Tiya Cora ang lahat tungkol kina Dux at Cayah noon. Dahil nga matagal na siyang naninilbihan sa mga Reyes. Pero hindi na muna niya ikinuwento sa akin. Nararapat daw na ang nobyo ko ang magsabi sa akin ng lahat-lahat.
Basta ang sinabi lang ng mga kasambahay, hindi na raw sumama si Cayah sa pag-uwi ng ina nito kagabi. Nagpaiwan daw dito sa bahay para makasama ang tiyahin na nagkataong si Tita Virginia pala. Ang madrasta pala ni Dux ang nag-imbita sa mag-ina.
Para akong maiiyak habang malalaki
