BLESSY
TINUPAD ni Kuya Dux ang sinabi niya na ihahatid niya ako kinabukasan ng umaga sa magiging dorm ko. Mabuti na lang at hindi naman naganap ang inaasahan ko na ‘honeymoon’. Dalawa pala kasi ang silid sa penthouse niya. Nang malaman ko iyon, nakiusap ako na kung puwede doon na lang ako. Kunwari, ayaw kong makaistorbo sa tulog niya. Pero ang totoo, sobrang nakakailang talaga. Mabuti kung katulad noong natutulog kaming magkasama sa silid ni Heaven. At least, kahit papaano., hidni namin solo ang isa’t isa.
Mabuti na lang din at pumayag siya sa gusto ko. Sa tingin ko nga, parang ayaw niya rin na magkasama kami sa iisang silid. Dahil siya pa ang nagsabi sa’kin na may extra room pa raw.
Namangha ako nang tumigil ang sasakyan namin sa isang six-story building na napapalibutan ng malawak na
