BLESSY
“ANO po ang gagawin natin dito, Kuya? Bibilhan mo ba kami ng cellphone?” nalululang tanong ni Heaven sa kapatid nang makapasok kami sa loob ng tindahan ng mga gadgets. At dahil familiar ako sa brand name nito kaya alam kong mamahalin. Kung hindi nga ako nagkakamali, ito ang leading brand ng mga gadget sa buong mundo. “Wow! Ang ganda! Ito po, Kuya, o. Gusto ko po ito!” hindi matapos-tapos na bulalas ng aking kapatid dahil sa pagkamangha, sabay turo sa tablet.
Napakamot sa ulo na sinundan ko si Heaven para sawayin. Nakita ko kasi ang presyo niyon at nalula na naman ako. At paano hindi? Kung sa tantiya ko, halos kapresyo na iyon ng isang motorsiklo.
“Beh, huwag ka ngang turo nang turo diyan,” pabulong na saway ko kay Heaven dahil may staff agad na sumunod sa amin para i-assist kami,
