DUX
“ALAK agad? Ang aga-aga,” gulat na bungad ni Meluard nang makapasok siya rito sa penthouse ko at naabutan niya ako na umiinom ng canned beer. Binuksan ko na ang pinto kanina pa bago siya dumating. Bukod sa hawak ko, may limang bote na ang nakataob sa lamesang katapat ko. “Uminom na tayo kagabi sa bar. At ang sabi mo, uminom ka pa ng dalawang can pagdating n’yo rito ni Blessy kagabi. Ano ‘yon? May plano kang sirain iyang atay mo?” dagdag pa ng kaibigan ko sa tonong nanenermon. Umupo siya sa couch na katabi ko. “Ni hindi ka pa nga nag-almusal.”
“Alam mo kung bakit ako nagkakaganito.” Umungol lang ako nang kaunti bago tumunggang muli sa canned beer na hawak ko.
Alam ni Meluard ang pinoproblema ko ngayon kaya pinapunta ko siya rito matapos kong ihatid si Blessy sa dorm niya. Ayaw ko sa
