DUX
NAGPAPAHINGA na lang ako habang nagpupunas ng pawis sa mukha. Pinunasan ko rin ang pang-itaas na katawan ko na tagaktak ng pawis. Pero dahil ayaw ko na nanlalagkit kaya hindi ko na sinuot ang sando ko. Balak ko rin namang maligo agad pagkapahinga ko uli mamaya sa room ko.
Pero balak ko na dumaan muna sa kuwarto ni Blessy para silipin kung gising na ba siya. Sigurado kasi ako na tulog pa siya hanggang ngayon. Puyat at pagod na nga sa party kagabi, pinagod ko pa uli.
Napangiti ako nang maalala ang nangyari sa amin kanina. Iyon ang isa sa mga dahilan kung bakit masaya at ganado ako ngayong araw. Masigla pa rin ako kahit pagod at puyat. Pero siyempre, ang mga nangyari talaga kagabi ang totoong dahilan kung bakit ang ganda ng araw ko.
Alam na ng buong San Victores ang relasyon namin ni
