BLESSY
MATULING lumipas ang mga araw. At sa mga panahong iyon, unti-unti na rin akong nasasanay mamuhay nang mag-isa rito sa Maynila. Kahit malungkot, pinipilit kong kayanin para sa mga pangarap ko at ni Heaven. At para ipakita rin sa mga Reyes na hindi sila nagkamali ng pagtulong sa akin.
Madalas naman kaming magtawagan ng kapatid ko. Video call pa nga. Sa pamamagitan niyon ay nagkukumustuhan kami ni Heaven. Sinusubukan ko pa rin siya na tulungan sa pag-aaral niya kahit magkalayo kami. Panatag din ako. Dahil sa loob ng isang buwan, nakita ko naman na hindi na siya gaanong nalulungkot o nahihirapan na wala ako sa tabi niya. Mukhang hindi naman siya pinapabayaan ng Daddy at Kuya niya. Wala naman siyang naisusumbong na inaapi siya ng kaniyang madrasta.
Sa part naman ni Kuya Dux, medyo nak
