Eight years later…
"MABUTI naman at nandito ka na rin. Narinig mo na ba ang balita?" salubong agad ni Shaznei kay Bratinella ng makarating siya sa kompanya na siyang pinapasukan ngayon.
Isang buwan pa lamang siya roon bilang isang empleyada. Salamat sa kaibigan niyang ito at agad din siyang nakahanap ng bagong trabaho matapos mag-resign sa dating kompanya na nalulugi na ngayon.
"Hindi pa," sagot niya.
"Naku, mare. Bali-balita sa buong building na may papalit na sa ating CEO."
"Talaga? Bakit daw?"
"Masyado na raw kasing matanda si Don Faustino," tukoy nito sa CEO at siyang may-ari ng Villaseñor Group of Companies. "Kaya ngayon ipapa-take over na niya ang buong kompanya sa kanyang apo na nasa California. Ang bulung-bulungan pa nga ay binata pa raw at ubod ng guwapo."
Umasim ang mukha
