"ANG TALINO talaga ng anak mong si Jay-El. Mana sa iyo at sa daddy niya. 'Di ba, Mister Genious din ang ex mo na tinamaan ng bagkat na 'yon?" ani Shaznei habang kumakain sila sa canteen.
Napasimangot siya sa sinabi nitong iyon. "Puwede ba 'wag mo ng ipaalala ang taong 'yon? Ni hindi ko na nga alam kung nasaang lupalop na iyon ng mundo o kung humihinga pa."
"Pero, mare, paano kung isang araw ay muli kayong magkita? Kunwari sa isang hindi inaasahang pagkakataon? Ano'ng gagawin mo?"
Hindi na siya nag-isip pa ng isasagot. Naniningkit ang mga mata na ikinuyom niya ang mga palad sa harapan nito. "Gusto ko siyang durugin ng pinong-pino," gigil niyang sabi.
"Hindi halatang galit na galit ka pa rin kay Jayden. Ops," anito na agad itinikom ang bibig sabay ngiti. "Sorry for mentioning his name. M
