KAKAIBA ang araw na iyon para kay Bratinella. Dahil simula sa araw na iyon at sa mga susunod pa ay may pagkakataon na para magkita sila ni Jayden. Hindi na iyon maiiwasan pa lalo na at ang cubicle niya ay nakaharap sa daraanan nito kapag papunta ito sa opisina nito.
As usual, kaliwa't kanan ang usapan tungkol sa pagpasok ni Jayden para sa umagang iyon. Marami ang excited na makatrabaho at paglingkuran ito. Puwera yata sa kanya na animo may ilang daga na nagtatakbuhan sa dibdib kanina pa dahil sa kaba.
"Nandiyan na si Sir!"
Kung puwede lang ilubog ang buong katawan ni Bratinella sa ilalim ng kanyang table ay nagawa na niya ng marinig ang anunsiyo na iyon. Nagkunwari na lang siyang abala sa harap ng kanyang computer.
Dinig na dinig niya ang impit na tilian sa paligid ng siguro ay padaan
