"NAGTATAKA pa rin ako hanggang ngayon. Bakit ganoon ang nangyari sa kanya, Bratinella? Naku, hoy, Bratinella nakikinig ka ba? Kanina pa ako salita ng salita rito tapos mukhang hindi ka naman nakikinig diyan."
Kung hindi pa siya yuyugyugin ni Shaznei ay hindi pa siya mapapatingin dito.
"M-May sinasabi ka?" Saka lang siya tila nakabalik sa realidad. Napakurap-kurap siya at bahagyang nailibot ang tingin sa paligid. Patuloy pa rin ang iba sa pagsayaw sa saliw ng malamyos na musika.
"Hindi ka nga nakikinig. Ang sabi ko kanina pa, 'di ba, Medicine ang kurso ni Sir Jayden noong college siya. Tapos ngayon ay businessman na siya. Ano'ng nangyari?"
Maging siya ay nagtataka rin sa bagay na iyon. Pangarap nitong maging doktor kaya pinupursige nito ang kursong iyon. Pero ng makita ito sa stage kani
