TAHIMIK lang na nakaupo si Bratinella habang nakatingin sa arrangement ng bulaklak na nasa kanilang lamesa. Patuloy pa rin ang pumapailanlang na tugtugin na nagmumula sa violen at piano na siyang pinaka-ingay sa naturang welcome party. Ginanap iyon sa pamosong five star hotel sa Makati, ang Alager Hotel.
"Uy, Nelle, ang tahimik mo diyan," sita sa kanya ni Shaznei na kakuwentuhan ang iba nilang officemate na kasama nila sa table.
Ngumiti siya rito. "'Wag mo na akong pansinin dahil okay lang ako. Sige lang, kuwentuhan lang kayo."
"You sure?"
Tumango siya.
"Ang tagal namang magsimula. Inip na akong makilala ang apo ni Don Faustino," reklamo ng isa nilang katrabaho.
"Chill ka lang."
Mayamaya pa nga ay tumahimik na ang buong paligid at umakyat na si Don Faustino Villaseñor sa stage na na
