Nagkatinginan kami ni Kobie at matalino rin ang binata dahil wala man akong sinasabi, pero nahulaan na nito na naiilang ako na kaharap ngayin si Jomar.
Kahit sa panaginip ay hindi ko inaasahan na makikita ko pa si Jomar.
At wala na talaga sa bokabolaryo ko na magpakita pa sa kaniya, ni hindi ko ginusto na magkakatagpo pa ang landas naming dalawa.
At lalong hindi ko rin inaasahan na lalapit pa talaga siya sa pwesto namin ni Kobie para lang masigurong ako nga ang nakita niya.
"Babe, sino siya?" tanong ng babaeng kasama ni Jomar na parang linta. Para bang natatakot itong maagawan.
Nakakatawa, maganda naman pero halatang ito ang naghahabol kay Jomar. Hindi ba ito marunong kumilatas ng lalaki kung gusto nga ba siya nito o hindi?
Bago pa man makasagot si Jomar ay inunahan ko na siya.
