Nagpapasalamat ako dahil wala akong narinig na tanong galing kay Kobie tungkol kay Jomar.
Hinayaan niya lang akong kumain ng magana.
Matalino ito at alam niya na hindi ako komportable na pinag-uusapan ang tungkol sa aming nakaraan.
Nasasaktan lang ako ng kaunti dahil kahit na matagal nang nangyari 'yon ay presko pa rin sa aking alaala ang insulto sa aking pagkatao at lalo na sa aking p********e.
Pinakiramdaman ko ang aking sarili upang masigurong wala na akong nararamdaman sa kaniya na pagmamahal.
Hindi pa ako sigurado kung tuluyan na bang nawala dahil siya lang naman ang lalaking dumaan sa buhay ko na minahal ko.
Hindi ko alam kung galit lang ba ito o may puwang pa rin ba siya sa puso ko.
Pero nang makita ko silang magkasama ng girlfriend niya ay hindi naman ako nakaramdam n
