Malalim na hininga ang pinakawalan ko matapos kong bumaba sa kotse ni Kobie.
Hinatid niya ako hanggang sa hospital at umalis rin kaagad.
Nagpapasalamat ako dahil kahit alam kong abala siyang tao ay nagpresenta pa rin siyang ihatid ako.
Ilang beses rin akong humingi sa kaniya ng pasasalamat dahil sa pabor na ginawa niya para sa akin.
Kung hindi dahil sa ginawa niya ay baka magmukha akong tanga sa harapan ni Jomar.
Habang naglalakad ako patungo sa kwarto ni Tiyang Lala kung saan siya naka-confine ay may napansin akong nakatingin sa akin.
Sinulyapan ko ito at napagtanto ko na isa ito sa mga Doctor sa hospital.
Kung hindi ako nagkakamali ay isa siyang OB- Gynecologist.
Ngumiti ako sa kaniya ng walang malisya at napansin kong sobrang nasisiyahan siya.
Napakagwapo niya at bagay n
