NAKAHARAP ako sa salamin habang marahan na sinusuklay ang mahaba kong buhok na medyo basa pa. Katatapos ko lang maligo at naghahanda na para pumunta sa kuwarto ni kuya para sana doon matulog, pero nagdadalawang isip pa ako. May bisita kasi si kuya sa baba, hindi ko alam kung kaibigan niya ba or business partner, pero tingin ko ay kaibigan. Pinaakyat agad ako kanina ni kuya sa kuwarto nang makitang may bisita siya.
“Hija, gising ka pa ba?” pagtawag ng boses ni Nana na kumatok sa pinto ng kuwarto ko.
“Pasok po, Nana, gising pa po!” I replied.
Bumukas naman ang pinto at pumasok si Nana na may dalang isang baso ng gatas.
“Ang sabi ng kuya mo ay nag-dinner na raw kayo sa labas kanina, kaya heto gatas na lang ang dinala ko sa 'yo.”
“Thank you po, Nana. Nariyan pa po ba ang mga bisita ni ku
