BUMUSANGOT bigla ang mukha ko nang nang pagdating ko ng parking area ng university ay sasakyan ni Mang Mero ang bumungad sa akin imbes na kotse ni Kuya Vince na siyang inaasahan kong susundo sa akin.
“Where's kuya po? Akala ko ba siya ang susundo sa akin ngayon?” simangot kong tanong kay Mang Mero pagkapasok ko sa loob ng sasakyan.
“Hindi ko alam, eneng; basta ang sabi sa akin ng kuya mo ay sunduin daw kita dahil busy pa siya at baka abutin pa ng gabi ang uwi niya.”
Mas lalong nangunot ang noo ko. “What?! Gabi pa po ang uwi? Pero paano na ang pangako niya sa akin?!”
Parang nagulat naman si Mang Mero sa pagtaas ng boses ko. “H-Hindi ko alam, eneng. Bakit ano ba ang pinangako sa 'yo ng kuya mo?”
“Ang sabi niya po kasi ay ipag-aakyat niya ako ng buko ngayon. He told me last night, at hi
