“Nana, galit po ba si kuya dahil sa ginabi na ako ng uwi?” tanong ko kay Nana pagkapasok namin ng kuwarto ko.
“Oo, galit na galit, nasigawan nga si Mero kanina, at pati ako ay napagalitan din. Pero huwag mo nang isipin 'yun. Basta pagkapasok dito ng kuya mo ay lambingin mo na lang para mawala ang galit niya sa 'yo at pati na rin sa amin. Nakakatakot pa naman 'yang kuya mo kapag nagagalit,” sagot ni Nana bago ako iniwan sa loob ng kuwarto.
Napaupo na lang ako sa kama at napahinga ng malalim.
Mukhang galit nga si kuya dahil bakit niya kinuwelyuhan agad ang kaibigan niya? Hindi ba puwedeng tanungin niya muna ako kung bakit ako ginabi ng uwi? Saka nagpaalam naman ako, nagpadala ako ng text message kay Nana at kay Mang Mero na mali-late ako ng uwi.
Napatayo ako nang marinig ang tunog ng pa
