Pasimple akong tumingin kay SPO 2 Carlos. Ngunit gamit ang mga mata ko ay nagsenyas ang lalaki sa akin na gawin ko na ang nararapat. Kaya naman marahang akong tumango rito.
Saka hindi naman mahigpit ang pagkakahawak sa akin ng kalaban ko mula sa likod ko. Hanggang sa mabilis akong umikot papunta sa likuran ko. Sabay suntok sa lalamunan ng lalaking nagbabanta sa akin. Mabilis ko ring kinuha ang pulsuhan nito na may hawak na kutsilyo at ubod lakas kong pinilipit dahilan kaya nabitawan niya ang kutsilyo na hawak-hawak niya. Agad kong kinuha ang aking posas at inilagay sa pulsuhan ng kalaban ko.
Ngunit gigil na gigil pa ako. Kaya naman magkakasunod ko pa itong sinuntok. Hanggang sa may lumapit sa akin na kasamahan ko at sinabi niyang siya na ang bahala. Binanggit ko rin na kuhanin niya ang
