NAGISING SI Aliyah kinabukasan na namamaga pa rin ang mga mata. Ayaw na niya muna sana pumasok ngunit hindi naman pwede. Isa pa ay gusto rin niyang makausap si Celestine nang personal. Wala siyang text or tawag na natatanggap mula rito kaya alam niyang nagalit talaga ito sa kaniya.
Hindi naman siya galit sa kaibigan pero aaminin niyang nagtatampo siya. Hindi kasi siya makapaniwala na nagtalo sila dahil lang sa bagay na gusto niya itong lumayo kay Felicity.
Kakakilala lang naman nito rito. Wala namang masama kung lalayo ito. Wala ring mawawala dahil pasimula pa lang ang pagkakaibigan na mayroon sila.
May kumirot na parte sa kaniyang puso.
Ngayon niya napagtanto na hindi ito pabor sa gusto niyang mangyari kaya maaaring siya kaniya ito lumayo kaysa kay Felicity. Bumangon ang inis sa kani
