ALAM NI Aliyah na imposibleng mapasunod niya si Celestine sa bagay na iyon pero wala namang masama kung sasabihin niya kung ano man ang nasa isip niya. Iyon din naman ang gusto niyang mangyari. At aaminin niya, ngayong nakikita niya ang ekspresyon ng mukha ni na tila hindi nagugustuhan ang kaniyang sinasabi ay may munti siyang sakit na nararamdaman.
"Anong sabi mo? Gusto mo siyang iwasan ko? Bakit naman?" Nakakunot na ang noon nito.
Huminga siya nang malalim. "Alam ko na nakakatawa pero bakit hindi mo na lang gawin? Ako naman ang bestfriend mo, di ba?"
"A-ano bang reason iyan, Aliyah? Wait. May ginawa ba siyang masama sa iyo at ganiyan ka ngayon kay Felicity?"
"Wala--"
"Wala naman pala, e pero bakit gusto mo na iwasan ko siya? I'm sorry ha? Oo, bestfriend kita at handa akong gawin an
