"ANONG LASA? Masarap ba?" tanong ni Aliyah sa kaniya habang mariing nakatitig ang mga mata sa kaniya.
Siya naman ay pilit na ninamnam ang pagkain. Masarap ang pagkakaluto nito ngunit parang gusto niya itong asarin. Sumimangot siya nang kaunti. "Parang ang tabang ng timpla mo ngayon nito. may binago ka ba sa timpla?" tanong niya kunwari kahit na ang totoo ay pwede na itong magtayo ng sariling negosyo at magbenta ng ganito.
Kumunot ang noo ni Aliyah at tila hindi makapaniwala sa sinabi niya. "T-talaga? Ako nga, patikim." Kinuha nito ang kutsarang hawak niya saka kumuha ng kaunting sauce sa sandok saka iyon tinikman. Ilang sandali nitong nilasahan ang sauce.
"Okay naman, ah!" ani Aliyah. "Pero sige, dadagdagan ko na lang ng pampalasa--"
Kaagad niyang inawat ang kamay nitong dadamputin an
