“H-hi...” ang sagot ko ring halos hindi mabuo sa ng aking bibig ang mga salita gawa nang pagkabigla sa hindi inaasahang pagsulpot niya.
Lumapit siya sa pinto ng bahay kung saan ako nakatayo. Nahinto na rin ang pagtatahol ng mga aso at nagsibalikan na sila sa kani-kanilang mga puwesto. Napansin ko ang bitbit niya. Dalawang malalaking bag sa magkabilang kamay at may knapsack na nakasukbit sa kanyang likod. Nang nasa harap ko na siya, ibinaba niya ang bitbit na mga bag at niyakap niya ako. Sinuklian ko ang kanyang yakap. Ramdam ko sa higpit nito ang kanyang kasabikan. “A-akala ko ba ay hindi ka pinayagan ng daddy mo na umalis? At bakit ang dami mo atang dalang bagahe? Parang wala ka na yatang balak na umuwi?” ang tanong ko.
“Eh...” hindi siya nakasagot.
Kumalas ako sa aming yakapan at tini
