“H-ha???” ang gulat kong sagot sa pagkarinig na may matinding karamdaman si Brix. “S-sigurado ka? Paano mo nalaman? Ang lakas-lakas pa niya noong nakaraang mga araw ah.”
“Hindi ko nga rin akalain eh! Sino bang mag-aakalang ang isang katulad ni Brix na malakas, athletic, nagji-gym ay magkakaroon ng isang karamdaman?”
“A-anong cancer ba ang dumapo sa kanya?”
“Sa kidney.”
“Siguradong cancer ba?”
“Oo... at ayon sa initial findings, kailangang-kailangang tanggalin ang isang kidney niyang natamaan.”
Bigla akong napaisip sa mga nangyayari. Nakaramdam ako ng matinding guilt dahil alam ko, isa ako sa mga nakadagdag sa kanyang karamdaman lalo na dahil nagbago na sana siya ngunit ako pa itong nagtulak sa kanya na bumalik sa bisyong ayaw na niya sanang balikan. May inis akong naramdaman sa saril
